Qëndronte
pezull duke më vëzhguar, duke më orientuar drejt një burimi drite
fosforoshent që sa vinte dhe bëhej një pikëz e vogël në fundin e një
universi special që më tërhëq pambarimisht.
Eshtë një lloj zhvendosje që unë e bëjë
me mendje për të kontaktuar me “atë”
E shoh kudo pranë meje në një linjë të
padukshme të ngrohtë, të ftohtë, me ngjyrë dhe pa ngjyrë që eklipson vetveten.
Shoh sy që vetëm unë i shoh , vetëm
unë i ndiej, ndoshta i ndien dhe ti në menyrën tënde por, unë
i ndiej se si ata sy dinë të më prekin mbi trupin tim, mbi metamorfozën e
mendimit tim.
Shoh atë, lëvizjen e kohës brenda lirisë së
saj duke marrë formë jetësore derisa arrin në duart e
mia duke u bërë ai që dëshiron të jetë. Jam kaq e pafuqishme për ti
thënë ndalo këtij tundimi për të zbuluar sekretin e një drite diku
larg por që përshkon qënien time
Eshtë kohë? Eshtë ajër?
Je ti apo jam unë?
Jo nuk e di se ç’është, por, di që
është në një lartësi që më thërret vazhdimisht ..
Për ku?
Për në një rrugë të gjatë pa kthim,
për në destinacione enigmatike që nuk i kam parë por që me duket se i
njoh.
Drita zbehet linjat e bardha të imazhit
të përkorë ngrihen sublimshëm mbi horizintotet e vështrimit tim që buzëqesh
pas lëvizjeve mistike.
Ky është shpirti
text and drawing,photo,painting
Nessun commento:
Posta un commento